ليدخل احمد وز وجته وطفلهم إلى المنزل بعد غياب دام اسبوع قضاه فى المشفى من أجل التعافى لتردف ندى بابتسامه ..ادخل يا حبيبى برجلك اليمين البيت بيتك يا حبيبى ...لتمسك بيده وتقوم بايصاله إلى المقعد فى غرفة الصالون وهى تقول بحب ... مرتاح يا حبيبى...لتدخل إلى الداخل وتقوم بإحضار بعض الأوراق وهى تقول ....بص يا حبيبي انا عامله لحضرتك اربع باقات رعاية بتختار منهم الباقه الا تناسبك
احمد باستغراب : اربع باقات رعايه ايه
ندى بجدية : ااه اقولهملك
احمد بسخرية : ياريت
ندى بابتسامه متسعه : دى محتاجه قاعده
احمد وهو يشير الى جانبة : اتفضلى
ندى بجدية : اول باقة رعاية معانا باقة رعاية ال ١٠٠٠ جنية وتشمل ٢ فيلم على نتفيلكس واحد عربى وواحد اجنبى بيكونوا من اختيارك انت يا فندم
احمد بمقاطعة : نعم
ندى بجدية : اسمعنى للاخر من فضلك
احمد بسخرية : اتفضلى يا فندم اتفضلى
لتكمل وهى تقول ...وبتشمل معانا كمان اربع مرات تغيير على الجرح
احمد بسخرية : وووواااااااووووووو
ندى : مش بس كده ولسه مكملين ...كمان معانا اكل صحى عشان تشفى بسرعه وفشار جامبو بالفليفر الا تحبه ليك لوحدك
احمد بسخرية : وربنا لالااااا مش معقول
ندى بجدية : عندنا كمان فى العرض ده المشروبات اوبن بوفيه يا فندم تشرب ١٥ شاى ١٤ قهوة زى ما تحب
احمد بسخرية : لالااا متقوليش يعنى ده كله فى العرض ابوا ١٠٠٠ جنيه
ندى : لالا لسه الباقة مخلصتش .....اليوم ده مفيش اى اعتراض يعنى مش هعترضلك على اى حاجه انت تطلبها
احمد بتسأل : كل طلباتى مجابه يعنى
ااه
ندى : وفى كمان ان الباقه دى مستمره لحد ما تشفى وتخف خالص
احمد بسخرية : ايه الباقه الجامده قوى دى ...دى باقة VIP صح
ندى بجدية : نكمل يافندم الباقة الا بعدها باقة ٥٠٠
احمد بتسأل : دى تانى باقة
ندى : دى باقة الرعاية ام ٥٠٠
احمد : دى شامله ايه بقى دى يا ترى
ندى بجدية : دى بقى فيلم واحد على نتفيلكش ومش من حقك تختار انا الا هختار عربى او اجنبى
احمد بإيماءة : تمام
ندى : وبتشمل مرتين تغيير على الجرح بس للاسف مفيش اكل صحى ... فى الباقة دى واحد فشار بس للاسف مش جامبو ده بيكون مديم وممكن يعنى اخد منك حبة ....من الاخر مبيكونش ليك لوحدك معانا بقى ٢ شاى ٢ قهوة ويا وافقتلك يا موافقتش واليوم ده يا فندم بيكون ليا اعتراض واحد بس
احمد باستغراب : اعتراض على ايه بقى
ندى بجدية : لا لسه مش عارفه ام اعرف هبقى اقولك
لتكمل وهى تقول ...بس دى بتكون يوم واحد وبس ميخصنيش بقى بقيت كويس او لا
احمد : تمام ...الباقة الا بعدها ممكن اعرفها
ندى بجدية : تالت باقة معانا باقة رعاية ال ٢٠٠ جنية
احمد بتسأل : اه دى بقى بتبقى شامله ايه
ندى بجدية : لا دى ما بتشملش حاجه دى بتكون باقة منتنه اساسا ما بيشتركش فيها غير المرضى الكادحين يا رب يا رب ما اشوفكش منهم ابدا يارب ما اشوفكش منهم ابدا يا فندم يارب يارب
احمد بصدمة : يارب يارب
ندى : ان شاء الله ...لتكمل وهى تشرح له ....تشمل ان انا بكون قاعده فى اوضة وانت فى اوضة لسانك ميجيش على لسانى طول ما انت مر يض ولو عوزت حاجه اعملهالك بتبعتهالى واتساب ولو قدرت اقوم اعملهالك بقوم اعملهالك ..انا فى اجازه بس كده
احمد بإيماءة : تمام .....بس حضرتك قولتى ان هما اربع باقات فى الاول يعنى
ندى ياستغراب : انت عايز تسمع اخر باقة ايه
احمد بتسأل : رقم اربعه ايه
ندى بجدية : ماشى هقولهالك ودى بتكون باقة ال ١٠٠ جنية وبصراحه بتتطلب ان انت يكون نفسك طويل
احمد باستغراب : ايه ده ليه يعنى
ندى بجدية : عشان وانت بتدينى ال ١٠٠ جنية لازم تجرى وتخفى من قدامى فى ساعتها عشان قسما بالله لو طولتك لهعمل منك بطاطس محمره ..وكده خلصنا كل الباقات الا معانا يا فندم ...بطلب بقى من حضرتك ٥٠ جنية
احمد باستغراب : ٥٠ جنية
ندى بجدية : دى دلوقتى
احمد بتسأل : دى بتاعت ايه يا فندم
ندى : دى حق مصاريف ادارية يا فندم حق البرزنتيش الا انا عملته لحضرتك عن الباقات كلها
احمد بتسأل : ده غير الاشتراكات
ندى بجدية : اه
احمد : طيب هخش اجيب ال ٥٠ جنية تمن البرزنتيشن
ندى بتسأل : طيب يا فندم حضرتك هتشترك ايمتا
احمد بجدية : مش كام يوم كده ولا حاجه اكون ظبطت امورى
ندى برفض : لا يا فندم مينفعش
احمد بتسأل : هو العرض سارى لحد ايمتا
ندى بجدية : لحد ٥ دقايق كمان
احمد وهو يقف من مجلسة بسرعه وهو يقول : هخش اجيب الفلوس والمصاريف الادارية واجى لحضرتك بسرعه
ندى : ماشى اتفضل
احمد بفزع : بسرعه والله هاجى لحضرتك
ندى بجدية : اتفضل
""""""""""""""""""""""""""""""""""""
لتجر حقائبها ورائها وهى تخرج من الفيلا ثم تستقل سيارة أجرة وتصل الى منزلها لتدق الباب لتفتح لها والدتها...
الام باستغراب وتسأل : ايه الا جابك يا بت دلوقتى
شروق بجدية : اتط لقت يا ماما
الام وهى تلط م على وجهها : يا مصيبتى
اردفت شروق بجدية وهى تدخل : مصيبة ايه كفاله الشر... ربنا ما يجيب مصايب ... مش هتدخلينى ولا ايه يا ولية... هتسبينى واقفه على الباب كده كتير
الام بغيظ : ادخلى يا اختى...
شروق بتسأل : اومال فين بابا
الام بجدية : زمانه على وصول...
اردفت شروق وهى تتوجه لغرفتها : طيب انا هدخل اريحلى شوية عشان خلصانه مش قادره افتح عينى ....
لياتى جمال بعد مرور القليل من الوقت ليجد زو جته تخبره بجدية... الحق يا ابو شروق البت اتط لقت..
الاب بجدية : ما تط لق محصلش حاجه...
الام بصدمه : انت بتهزر ولا ايه يا ابو شروق...
الاب بجدية : وههزر ليه.. بنتنا تلزمنا... وهنجو زها سيد سيده...
""""""""""""""""""""""""""""""""""""""""""""""
كان صلاح يجلس كمن على راسه الطير يفكر ويخطط كيف يخرج من الورطه التى وضع نفسه بها .....ليردف بخبث ...مبدهاش بقى مفيش حد غيرهم يقدروا يوصلولها ويعملوا الا يعملوه هما حرين وانا أقبض ضعف التمن وادفع للكلب حمدى واكون انا كسبت من النحيتين ولا اترمى فى السجن ولا حاجه .....ليقوم بالتقاط هاتفه وهو يضع بعض الأرقام لينتظر الرد .... ليرد عليه الطرف الاخر ...ليتحدث صلاح ببكاء مصطنع ....الحقنى يا ابن اخويا بنت الكلب هر بت وسودت شرفنا فى الأرض..
همام بتسأل : هر بت كيف هر بت ...وهر بت راحت فين عاد....
اردف صلاح بدموع مصطنعه : معرفش يا ولدى المفروض كان كتب كتابها من يومين ...الحقنى يا ولدى ....
همام بجدية : متجلجش انا هلاجيها ... ادينى ٢٤ ساعه واكون لاجيتها
صلاح بخبث : مستقصدك فى خدمه يا ولدى محتاج ١٠٠ ألف جنية ادفعهم للكلب الا كان المفروض هيبقى جوزها ....حجه يا بنى مهرها وهيه اخدته وهربت...
همام بخبث : موافج يا عمى شوية وهتلاجى الفلوس اتحولتلك بس هنلجوها وهتاخذ زيهم وتجو زهالى ... مش لحمك القريب اولى بيه من الغريب ولا ايه يا عمى
صلاح بخبث : موافق وهلاجى احسن منك فين لبنت الكلب دى ....ليقول فى نفسه ...الاقيكى بس عشان اشرب من دمك ...
همام هو شاب طائش والده لا يعتمد عليه فى شئ لانه يقضى حياته مع الخمور والراقصات وفعل ما حرمه الله ....
انتقل إلى الفصل الثالث الجزء الثانى
انتقل إلى الفصل الاول الجزء الأول
إرسال تعليق