رواية ( شروق الآدم ) دولا مجانين الجزء الثانى للكاتبة شروق جمال الفصل 21

 

ملاك وهى تخرج من الشقة : ونعم الأمهات ........ مش قادرة اوصفلك انتى بتعشقينى ازاى ....يلا بقى انا همشى عايزه حاجه ياجميل 

صفاء بحب : خلى بالك من نفسك 

لتخرج ملاك من البناية التى تسكن فيها وتقابل شخص يدعي عم احمد لتردف باحترام : ازيك يا عم احمد اخبارك يا راجل ....كل اما بتكبر بتحلو اكتر

عم احمد بسرور ووجه بشوش : يابكاشه انتى إلا عنيكى حلوه ...عشان كده بتشوفى الناس حلوه 

ملاك بابتسامه تزين تغرها : الله يخليك ياعم احمد .... اومال فين الولية الا اسمها صباح معرفش ابدا يومى غير اما تسمع كلمتينى واسمع ردحها هيه كمان

.... صباح والتى قد اتت على السيرة وهى تقول بتر يقة : مالها صباح يا عين امك مش عاجبكى

اردفت ملاك فى نفسها بسخرية : والله لو كنا افتكرنا ربع جنيه مكناش لقيناه 

ملاك بشرشحه : جرا ايه ياولية يا طر ش البلاعات يا كنا سة الحارة انتى نسيتى نفسك ولا ايه ياولية...... االله يرحم لما كنت داخله علينا الشارع الكوع مهبب والوش محبب والا يصتبح بيكى لا يكسب ولا يتسبب 

صباح بغضب : طيب لمى نفسك ياعا يقة بدل مامسخر بيكى بلاط الحارة 

ملاك بردح : تمسخرى مين ياولية ياخر ج بيت انتى .... طيب فكرى كده واعمليها دانا كنت افتح قرنك انتى والا يتششددلك.... يلا باى يا صبحوه اشوفك وقت تانى ثم توجهت لجامعتها 

صباح بابتسامه متسعه : باى يا بت وخلى بالك من نفسك ... اوعى حد يديكى حاجه وتاخديها...

وصلت ملاك إلى جامعتها لتتجه للكافتيربا الملحقة بها لمقابلة صديقتها فريدة 

فريدة بخضة عند رؤيتها....ايه ياحيوانة اتاخرتى كده ليه

اردفت ملاك وهى تنهج بشدة : استنى يابومة انتى اخد نفسى الاول ... مش هتعرفى إلا حصلي 

فريدة بتريقة : ايه الاحصلك يا اختى 

ملاك : الدنيا كانت زحمة اواى ..... والموصلات اكتر 

فريدة بغيظ : اقوم احسنلى عشان لو قعدت معاكى شوية كمان هتشل يا مراراتى هتتفقع وانا مش عندى غير مرارة واحدة ....لتردف وهى تقف من اجل الذهاب.... انا سبقاكى على المدرج وانتى ابقى تعالى ورايا ..

ملاك بجدية : ماشى اوكى باى ....كانت ملاك جالسه لتلمح  شاب يمشى فى أرجاء المكان يبدو أنه يستكشف المكان قالت لنفسها ام اقوم اشوف المز ده يمكن يطلع من الدحيحه بتاعوت الدفعه ويغششنى وقتها هعدى...... ووقتها صفاء مش هتدينى العلقة الصح 

وان مكنش دحيح اكون شقطت عر يس حليوه ووقتها امى ممكن تمو ت فيها .....اكيد هتمو ت من الفرحه انا عارفه 

اقتربت منه لتجده يمسك هاتفه ويصيح بضيق : ماتردوا ينعل ابو اشكالكم 

ملاك لنفسها : لا ده مش من اشكال الدحيحه....ده بلطجى... خلاص اتحط فى خانة العر يس 

تفاجأ بصوت ملاك العابث : اهدى بس مين الا عصب القمر 

التفت لها لتجده شاب طويل القامة وايضا وسيم وهو يتحدث بغضب : وانتى مالك .... انتى مين اصلا عشان تكلمينى انتى متعرفيش انا مين 

ملاك بسخرية : حصلنا القرف قصدى الشرف.....انما انا مين انا ملاك طالبه هنا ...ينفع نتعرف 

الشخص بجدية : سورى ما بتعرفش على حد 

ملاك لنفسها : ايه الواد الفرفور ده .... لا مانا مش هسيبك غير اما اطلع منك بمصلحة...دى صفاء تشر حنى وتجيب مين يشرح معاها 

ليمر بجوارها اثناء ذهابه ورائحة عطره الهادئ تخترق أنفها دون سابق إنذار....لتقرر مشاكسته : لو سمحت ايه اسم الصابونه ابو ريحه إلا أنت حاططها .... او الرابسوه الا غاسل بيه الهدوم...اصل عاجبنى ريحتهم يمكن اجيبهم

اشتعلت عينية غضبا ليلتف اليها جازازا على أسنانه مغتاظا منها..... صابونه بريحه يا بيئة ده chanel bleu ابقى روحى شوفيلك دكتور لمناخيرك 

ملاك قررت اغاظته اكثر : تشانبولبوا هو ده اسم 

الشخص بغيظ : والله انك واحده جاهلة قال تشانبولبوا قال 

رحل سريعا غاضبا تاركا تلك الفتاة المجنونة 

ملاك بعدما رحل..... وماله ابقى اشوف دكتور وتبقى تروح معايا تكشفلى يا زو جى المستقبلى 

"""""""""""""""""""""""""""""""""""""""""""""""

استيقظت شروق من النوم بعد مرور عدة ساعات ....لتخرج وهى تضع الايربوذ فى اذنها وهى تغنى بصوت مزعج جدا ...

انا خاطف انظار الجميع انا القا سى انا الفظيع... ايوه منى مفيش كتير وانتوه منكم فيه قطيع.. عيونى شايفة السلكانين وانتوه يلاه مش متشافين.. 

ام شروق بصدمه : هيه بتقول علينا قطيع يا حاج

ليرد عليها جمال وهو يقول ....وقالت انتوه يلاه مش متشافين.. يانهارك اسود... دانتى ليله امك مش معدية....

ام شروق بتذمر : طيب ومال امها دلوقتى بالموضوع يا ابو شروق 

جمال بجدية : مهو كله بسببك يا هانم انتى الامعرفتيش تر بى.. 

ام شروق بسخرية : هو انا معرفتش ار بيها لوحدى ما انت كنت بتر بيها معايا 

جمال بجدية : لا يا ماما مانا ببقى طول النهار فى الشغل اعملك ايه يعنى... .

ام شروق بتسأل : ليه يا حاج عشان انت فى الشغل يبقى انا هربيها لوحدى ... انت هتسيب كل حاجه فى البيت ده عليا ولا ايه المفروض بردوه انت بتربى معايا يا راجل ...

جمال بتاكيد : ايوه بس بردوه التقصير من عندك

الام بنفى : لا يا حاج انا مقصرتش ده التقصير من عندك انت ...

لتنزع شروق الايربوذ لتجدهم يتجادلون لتردف وهى تدخل مره اخرى ...دايما كده بتتخانقوا 

جمال بعند : لا بقولك ايه احترامى نفسك 

ام شروق بغضب : مانا محترمة نفسى ليه شايفنى متبعتره

جمال بغضب : انتى كمان بتردى عليا ...طيب عدى ليلتك بقى بدل ما انتى عارفه 

الام بغضب : ايه بدل ما انتى عارفه ايه هط لقنى اااه مانا عارفه انت عايز تط لقنى انا خلاص هسيبلكم البيت وامشى .... لتردف ببكاء مصطنع وهى تقف ....خلاص مش قاعدالكم فيها 

جمال بنداء : يا وليه خلاص خودى فى ايه ...تعالى وهااتى البت عشان اقولك على عر يس متقدم 

لتقف وهى تردف بتسأل .....بجددد عر يس مين وفين ومنين وبيشتغل ايه وطويل ولا قصير ابيض ولا اسود يلا بسرعه ...

ليردف جمال وهو غير ملاحق على اسالتها : يا وليه فى ايه براحه اندهى لبنتك عشان نقولها بالمره 

ام شروق برفض : انده ليها انت

جمال بغيظ :  يا وليه اخلصى اتلحلحى وقومى اندهلها 

هوووف ... لتقف بتأفف وهى تقول ...انتى يا بت يا شروق انتى ياااا بت انتى يا مقصوفة الرقبة تعالى جااايا ...

لتاتى شروق مهرولة وهى تقول ....جاية يا ماما اهو فى ايه ...

الام بجدية : تعالى ابوكى عايزك ...

شروق باحترام : نعم يا بابا ..

جمال بحب : تعالى يا حبيبتى اقعدى عايزك فى موضوع ..

اردفت شروق باحترام بعدما جلست بجانب والدها : اتفضل يا بابا ..

جمال بجدية : بسم الله والصلاة والسلام على رسول الله سيدنا محمد خاتم الأنبياء والمرسلين عليه افضل الصلاة واتم التسليم مع شروق شمس الصباح ونهوض الجميع إلى الكفاح سائرين على طريق النجاح متفائلين بحى على الفلاح حى على الفلاح والان مع الحاجه ام شروق

شروق باستغراب : انتوه بتعملوه ايه ..

ام شروق : ايه هو احنا فى اذاعة ما تبداء فى الموضوع علطول ..

جمال بتسأل : يعنى انتى مش هتقولى حاجه ..

ام شروق بنفى : لا مش هقول حاجه ..

جمال بصدمه : يعنى انا هقول كل حاجه ..

شروق بسخرية : هو انت قولت حاجه اصلا يا بابا ...

جمال بجدية : مانا قولت ...

شروق بضحكة عالية : قصدك كنت بتقدم اذاعة مدرسية ...لتكمل وهى تقول ...خلاص يا بابا لو كده هقوم انا 

الاب : تقومى تروحى فين اقعدى خلاص ها اتكلم ...

ام شروق بفضول : هاا يا حاج يلا قول ..

جمال بجدية : فى عر يس متقدم ليكى يابت ..

اعملوا متابعة للمدونة عشان اول ما انزل اى جديد يوصلكم 

جميع الحقوق محفوظة باسم الكاتبه شروق جمال 

لا يسمح بالنشر والاقتباس من دون اذن الكاتبه 

انتقل إلى الفصل الخامس الجزء الثاني

انتقل إلى الفصل الاول الجزء الأول