رواية ( شروق الآدم ) دولا مجانين الجزء الثانى للكاتبة شروق جمال الفصل 21

فى اليوم التالى استيقظت ولاء باكرا لتستعد من أجل الذهاب إلى العمل لتخرج من غرفتها لتجد أن الجدة جالسه تقرا فى القران الكريم..

لتردف الجدة بتسأل ...على فين بدرى كده ...

ولاء بجدية : انتى ناسيه أن انا السكرتيره بتاعة مالك ولا ايه ..

الجدة بجدية : طيب استنيه وامشوا مع بعض

لترد عليها ولاء وهى تضبط الاوراق التى فى يدها وهى تقول ....لازم اروح بدرى واظبط الاوراق عشان فى اجتماع مهم النهارده

ثم خرجت بعدها سريعا...

بعد مرور ما يقارب من النصف ساعة استيقظ مالك ليقوم باخذ حمام سريع ثم ارتداء ملابسه والنزول من أجل الافطار...ليجد جدته جالسه على الطاوله بانتظاره ليردف بتسأل اومال ولاء فين ..

لتجيبه الجده وهى تقول ...مشيت من ساعة قالت لازم تروح بدرى عنك عشان فى اجتماع مهم لازم تجهزله ..

ليقول وهو يقف ويلتقط مفاتيحه من على الطاوله ...طيب انا ماشى ..

الجدة : طيب استنى افطر ...

ليقول مالك وهو يخرج : هفطر هناك معاها ...

ليخرج ويستقل سيارته ثم يذهب إلى العمل ..بعد وصوله ارسل لصاحب المطعم أن يقوم بارسال افطار شخصين إلى مكتبه...ليدخل إلى مكتبها المجاور إلى مكتبها ويقوم باستدعاءها ليدخل أولا ثم دخلت هى خلفه...ليقوم بجذبها سريعا وهو يقوم بمحاصرتها بينه وبين الحائط وهو يقول ببردو....مستنتنيش ليه ..

ولاء بخجل : مالك بيه عيب حد يدخل ...

ليقول مالك بمشاكسه : الله على الاحترام يا بت دلوقتى مالك بيه يا عصفوره....

ولاء بحب : طيب اركن بقى يا دبى خلينى اعدى...

ليقول مالك وهو يرفع احد حاجبيه : بالسهوله دى... ليقترب منها ليجد أن احد ما يطرق باب المكتب لتقوم ولاء بالابتعاد عنه بسرعه...لتجده يسب هذا الشخص فى سره ...ليأذن مالك للطارق بالدخول لتجده العامل الخاص بالمطعم قد احضر له الافطار ليخرج العامل لتنوى أن تخرج بعده لتجده امسك يدها وهو يقوم باخذها باتجاه الطاوله ليجلسها وهو يقول يلا افطرى معايا..

لتجلس امامه ويبدأو فى الاكل وهو يتاملها بشده لتاكل وهى تتحاشى النظر إليه....لتنتهى من طعامها لتقف وتخرج بسرعه وهى تقول يلا سلام بقى يا ملوكى عندى شغل كتير لازم اخلصه ...

"""""""""""""""""""""""""""""""""""""""""

فى اليوم التالى استيقظت عنايات لتنزل الى عند سماح حتى تعلم احوال العريس لتعلم انهم لم يوافقوا لتظل معها بعض الوقت يتسامرون ثم صعدت الى الاعلى ليستيقظ سيف بعد أذان الظهر ليقوم بأخذ حمامه المنعش ..ليذهب باتجاه والدتها وهو يقول ..ماما انا عايز أخطب واتجوز ..

عنايات بفرحة : ده يوم المنى يا حبيبى ...بس مين العروسه يا ابنى ..

سيف بجدية : شهد بنت طنط سماح .. لتقوم بالزغرطة وهى تقول ماشى يا حبيبى هنروح نتقدملها ايمتا ..

سيف بجدية : ان شاء الله النهاردة...

لتقول عنايات بجدية وهى تقف ....طيب ياض يا سيف انا سابقاك على تحت وانت تعالى ورايا ..

سيف بإيماءة : ماشى يا ماما دقيقتين وجاى وراكى ...

لينزل سيف إلى الأسفل ليدق باب المنزل لتذهب سماح وتفتح له ليدخل لتراه والدته وهى تقول بغيظ ...يادى الفضايح بقى جاى تتقدم للبت بالبجامه وشبشب الحمام يا معفن ااه يا خيبتك السودة يا عنايات فى ابنك 

سيف بجدية : ايه يا ماما ما هما مننا وعلينا ...

لتاتى سماح وهى تقول نورتونا وشرفتونا بس ايه سبب الزيارة السعيدة يا عنايات ..

ليلكزها سيف وهو يقول بصوت منخفض ..،يلا يا ماما اتكلمى ...

عنايات بجدية ...بصى يا سماح يا حبيبتى من غير لف ولا دوران احنا جايين نطلب ايد بنتك شهد لابنى سيف..

سماح بابتسامه متسعه : والله يا حبيبتى انا موافقة بس الرأى رأى البت يا شهد ....استنى اندهلها ... يا شهد .. يا شهد 

لتخرج شهد وهى ترتدى عباية المنزل لتقول والدتها بجدية ..بصى يا حبيبتى سيف متقدملك هااا ايه رايك...

شهد بخجل ....رأى هو رئيك يا ماما..

سماح بابتسامه متسعه.....طالما كده على بركة الله نقرا الفاتحه

ليقوموا بقراءة الفاتحة وتحديد الخطوبة بعد يومين وكتب الكتاب بنهاية الشهر ..

"""""""""""""""""""""""""""""""""""""""""""'

استيقظت شروق من نومها لتقوم باداء فرضها وتتذكر انها بحاجه الى المال لتنزل إلى الأسفل لتجد آدم يتحدث فى الهاتف لتنتظر قليل من الوقت إلى انهى المكالمه لتذهب باتجاه لتجده يقول بأمر ...جهزى نفسك عشان هنرجع بكره الفيلا ...

شروق : طيب انا عايزه فلوس ..

ليرد عليها آدم بمشاكسه وهو يقول .... اااه يا بجحه بتطلبى فلوس عينى عينك كده مش انتى قولتى انك مش مراتى يبقى اديكى فلوس على اساس ايه ..

لترد عليه شروق بخيظ وهى تقول : اه ومازلت على رأى...

ادم بخبث : طيب ما انا اكيد مش هدهوملك ببلاش كده ... بصى فى حل تانى انك تشتغلى عندى لأربعة وعشرين ساعه وهديكى الفلوس إلا عايزاها ...

ليقترب منها وهو يقول بتكفير...بس انتى اصلا تقدرى تعملى ايه ..

شروق بمقاطعه : اطبخ واروق ...

آدم بنفى : لا مش هتوصل للدرجادى ...المهم وقتك بدأ من دلوقتى اعمليلى كوباية قهوة وهاتيها على المكتب.. لتقوم بتحضير القهوة وتذهب الى غرفة المكتب ...لتمشى ورائة من مكان الى اخر بكوب القهوة ليجلس على المكتب لتقوم بوضعه امامه بغضب وهى تقول ..ادينا عملنا ابقهوة 

لتتوجه للخروج ...ليقول بمقاطعه ...استنى بس رايحه فين ..طالما ابتديتى خلينى اشرحلك القوانين ....اول حاجه عايز ابتسامه مع كل خدماتك...ومش مسموحلك انك تتعصبى نهائى 

وطالما انا المسؤول هنا هتناديلى 

لتقول بمقاطعه وهى تتحدث بسخرية ...اللئيم الغبى مش ده لقبك ولا انا غلطانه 

ليبتسم وهو يقول بغيظ ... ناديلى ادم احسن ....ليكمل بأمر وهو يقول ...شروق عايز التلفزيون 

لتنظر له بقرف وهى تقول ...يعنى اعملك ايه 

لتجده يلتف باتجاهها لتقوم بالابتسام بسرعه وتقول ..طيب اطلع واتفرج على التلفزيون بره 

آدم : بس انا جايلى مزاج اتفرج وانا هنا 

لترد عليه بسخرية وهى تقول : والله يعنى اجبلك التلفزيون هنا مثلا 

ليقول بنفى : لا ...انتى كونى تلفزيونى مش عايزه تبقى مراتى يبقى كونى تلفزيونى ...عايزك تسلينى يعنى انا اختار القناة وانتى مثلى عايزك تبدعى يلا ابدء يا تلفزيون ...

قناة الاعمال سوق الاسهم مع ابتسامه 

لتقول وهى ترفع يدها من اجل جذبه من شعره ولكنها تراجعت ...صباح الخير مشاهدينا الكرم بتمنى تستفيدوا من برنامحنا بداية للاسف اخبار سيئة لشركة الاستيراد والتصدير  الخاصه برجل الاعمال ادم حسين انها وصلت للحضيض صباح هذا اليوم والخبراء اكدوا ان سبب الانخفاض 

ليقول بمقاطعه : موسيقى 

لتغنى هى بسخرية : لا انت حبيبى ولا اتربينا سوا وقصتنا الغبية شلعها الهوى ...

لينظر لها بغيظ وهو يحمل كوب القهوة ويقول بمقاطعه ..اخبار مسمعتش يا تلفزيون انا قولت اخبار ...

لتبدأ بالحديث وهى تقول بخبث ...وقد حدث حادث مأساوية بمحاولة زوجة قتل زوجها بوضعها السم له فى كوب من القهوة ...ليقوم بلصق القهوة من فمه ..لتكمل وهى تقول ....وذكر شهود عيان ان الزوج اذى زوجته بشكل متكرر حيث قررت ان تتخلص منه عن طريق مزج السم بالقهوة وقالت انه لو كانت تستطيع سلخه وبيعه لفعلت ... 

ليقول بغيظ : اقفل يا تلفزيون يا نحس احسن ...

ليكمل وهو يقول بجدية ....بصى تعالى نعمل تحدى ..

لتردف باستغراب وتسأل .... تحدى ايه ..

ليقول بخبث ...اليوم إلا هتجرى عليا فيه وتحضنينى هتعتبرينى جوزك ..

شروق بسخرية : والله لما تشوف حلمة ودنك يا حبيبى 

ليردف وهو يرفع احدى حاجبية ...موافقه ..

شروق بتوتر ...ماشى موافقه .. أما نشوف ... بس فى شرط 

ادم بابتسامة متسعه ....موافق عليه من غير ما اعرفه

شروق : شغل ال ٢٤ ساعه انتهى 

انتقل إلى الفصل الأول الجزء الأول

انتقل إلى الفصل التاسع عشر الجزء الثانى